琴晚去左食飯、倒數2009,同埋收到期待已久既禮物....返到屋企都成2點幾

今朝早仲一早起身搵佢,仲做左件十分柒咕碌既事,唯有去郊外散散心....比佢知道理想同現實既距離

hea完之後我就要返工,o係返工前要搵個地方"安置"佢,咁先可以放心返工

放工之後繼續我地既on9之旅,不過因為時間既關係,9點半就完場....早d返屋企訓覺準備聽日既on9行程

又係全日得閒既一日,原本諗住今日個天多雲,唔落雨,想一次過滿足哂三個願望,去濕地公園、重遊南生圍、順便再去白泥睇日落

所以今朝早晨咁早起身去天水圍,好彩果度d交通好方便,而且轉輕鐵有優惠唔駛錢!

而家冬天既濕地公園有好多候鳥棲身,更幸運地今日有得睇黑臉皮鷺,雖然我都唔知有咩咁好睇

黎到影下花、影下草、影下雀,可惜咁大個蝴蝶園一隻蝴蝶都唔出黎!

行完個半圈已經影左130張相,係時候去南生圍睇下....黎到南生圍個天已經好陰,同上次既既感覺好唔同

呢次影得特別憂愁.....行左大半圈仲開始落雨!見佢落既係長命雨所以就即刻走人,行出去搭小巴走

再一次與白泥無緣....

今日係平安夜,而且係唯一一日全日冇野做既日子,如是者我又自己一個去追日落

呢次去大角咀碼頭既石堤上睇日落全個過程,雖然大角咀既另一邊已經唔係大角咀,但係好慶幸呢一道石堤仲可以保留

石堤上除左我呢個毒撚之外,仲有好多MK男女o係石堤上邊玩邊睇日落,而我就一邊睇書一邊用set定既腳架影日落過程

而呢次既美中不足就係o係magic time睇唔到紅霞,因為今日太猛太陽啦

太陽落山之後感覺一片死寂,之後就走去行街,等佢出黎食飯

等佢出到黎之後就食一間冇人食既日本野,仲比人昆添!

睇黎要快d送返d野比佢補償一下.....

打邊爐食少少野都食得好飽.....仲有今個月慳埋D錢到月尾就用哂!